ام الولد لريناد يوسف
اكشف على حملها أو اولدها.
ابو الوفا پخوف
عقولك ايه بلا كتر حديت شوفي ايه اللازم واعمليه ولو هتولديها هي في السابع طلعي منها الواد ويكون حي شقي بطنها دلوك وطلعيه قبل ماتجرالو حاجه واوديكي فداهيه.
داهيه تاخدك انت وامثالك يعني انا بقولك البنت احتمال ټموت وانت كل اللي همك اللي فبطنها.
سعوده
قامت الدكتوره وراحت من أوضه تانيه بلغت البوليص عن الوقعه ورجعت لسميحه وابتدت تحاول معاها وبعد حوالي ساعه سميحه كانت بتلفظ فى انفاسها الأخيره والعيل محشور فيها لا نازل من شدة ضيق الرحم ولا الدكتوره قادره تفتح لان الوحده مش مجهزه باجهزه وألات والبندر هايزله ساعتين عالاقل عشان يوصلوله..
ابو الوفا قرب.
راحلها ابو الوفا ووقف جارها وهمستله
خلصت زواج قاصر.
واتحكم علي ابو الوفا بسنه سجن مع غرامه تعادل حق فدانين ارض وابو سمحيه ٣ سنين لأنه مقدرش يدفع الغرامه فزادت عليه مدة الحبس وراحت سميحه نتيجة طمعها وطمع اهلها.. طفله في عمر الزهور لسه مافتحتش ولا فاح عطرها.
وبعد ماقضى مدة سجنه طلع واتجوز بس النوبادي اتجوز لحاله وحده كبيره وطايبه ومن غير مازبيده تتدخل وخدلها بيت وحدها وبعد سنه كان معاه الواد وأول ماقانت بالسلامه خدها على البيت الكبير اللي فيه زبيده وهناك خلاها هي الكل في الكل وزبيده بقت كيف الخدامه هي وبتها لا بقى ليها سلطه ولا كلمه ولا قيمه عايشه بلقمتها واتحكمت ام الواد في كل شي.. أما سعوده فكانت تتفرج على زبيده وهي مذلوله ومتمرمطه هي وبتها وتتشفى فيهم عشان دولة ظلمهم وجبروتهم انتهت.. وجات دوله جديده وحكمت.. دولة ام الواد.
وزينب خطبها واد عمها اللي كان مسافر ومعرفش بانها اتجوزت واتطلقت وشافت الويل وهو اللي سافر عشان يشتغل ويقدر يتجوزها ولما عاود قعد على نفس محبته ليها مهما الناس قالتله بعد عن المطلقه لكنه ضړب كلام الناس كلها في الحيط وخدها وقال للكل إن المطلقه بني ادمه اشتروها وباعوها وطلقوها وهي عيله متعرفش يمينها من شمالها واستناها تمت السن القانوني واتجوزها وبعد الجواز خلاها كملت علامها وعوضها عن كل اللي شافته.. بس زينب كانت محظوظه انما
واټدمرت اكتر من حياة واتهدت عشرات الامنيات بسبب الواد وأم الواد.
تمتت
ريناد يوسف.
