نوبة حب لنيرة وائل الجزء الأول
المحتويات
في الحالة دي
_ انا أجلت سفري كتير لازم انزل عشان الفرح ودي اخر طياره الاسبوع دا
_ بس....
قاطعها بضيق
_ انا اسف سامحيني
مسكت ايديه برجاء
_ لو شوفته هتعلق بيه ومش هقدر اسيبه انا مش عايز اتعلق بيه يا بارلا... قولتلك اني هصرف عليه ومش هخليكم ناقصين حاجة لكن بشرط ابقى برا الصورة مش عايز حد يعرف بدا لحد ما اظبط اموري مع حياة
قاطعها بعصبية
_ انتي اللي قررتي تحتفظي بالطفل دا من ورايا يبقى تتحملي مسؤلية قراراك....انا من الاول قولتلك نزليه وانتي عملتي العكس يبقى تتحملي
الحاضر
_ هتسيبنا تاني واحنا محتاجينك عشان حياة احنا اللي محتاجينك دلوقتي احنا الاولى
_ ادم بيكبر يا فريد هتفضل مخبي عليه لحد امتى انك ابوه الولد بقى عنده خمس سنين... هتفضل لحد امتى تسيبه في اكتر وقت محتاجك فيه... رد عليا
مسح على وشه پغضب وهو بيطلع برا الاوضة كان ماشي زي التايهه مش عارف يروح فين و لا يعمل ايه واقع بين نارين و كل ڼار اقوى من التانية بيعيش عواقب افعاله دلوقتي بطريقة بشعة
قالها بابا باستفهام والكل بيبص ليا بترقب مستنين يسمعوا مني اجابة الكلام تقيل على لساني مش قادره اطلعه كأني طفل بيتعلم ينطق لسه اقول ايه واشرح ازاي انا سبق واتباهيت بيه قدام كل دول لما بابا كان رافض زمان حوار سفره قولتلهم اني هسافر معاه وإني واثقة فيه... اقولهم ايه دلوقتي!
_ حياة اتكلمي قلقتينا
_ انا وفريد هنطلق
_ايه
قالها الكل بذهول وعلامات الاستفهام على وشهم منتظرين مني تبرير للي قولته
_ يعني ايه تطلقي انتي فاكره الجواز لعبة ولا ايه
قاطعها بابا بهدوء
_استني يامنال لما نفهم في ايه حياة يا بنتي اهدي و احكيلنا ايه اللي حصل
بصيت في الارض و دموعي نزلت الكلام كان تقيل على لساني بشكل مش قادرة انطق... مليش عين اتكلم بابا حذرني كتير ومكنش حابب جوازنا و لا سفرنا عشان شايف ان فريد قضى شبابه برا وان اتغير عن زمان بس انا مكنتش شايفة كل دا انا كنت عايزة فريد وبس
اتكلم عمر بهدوء وهو بيقعد قدامي
_ حياة ارجوكي اتكلمي عشان نعرف نحل المشكله دي ازاي
بصتله وانا دموعي مغرقة وشي وبهز راسي بنفي
_ملهاش حل يا عمر.... ملهاش حل فريد طلع مخلف عنده ولد
قولت كلامي واترميت في حضنه وانا بعيط بعلو صوتي خلاص مبقتش قادرة اكتم اكتر من كدا
_ مالك يا زياد شكلك متضايق
_ حياة وفريد هيتطلقوا
_ايه
قالتها ملك پصدمة
_ فريد طلع مخلف ولد في استراليا
_ انت بتقول ايه... مخلف ازاي يعني متجوز على حياة
هز راسه بنفي
_ مش جواز.... غلطة
_ لا لا... ايه التهريج دا مستحيل
_ محدش مصدق اللي حصل وفريد قافل تليفوناته محدش قادر يوصله
_ طيب وحياة عامله ايه
_ مڼهارة ومحدش عارف يهديها حياة حاربت كتير عشان تاخده وفي الاخر اتغدر بيها وخذلها
قرب عليها وهو بيبصلها بضيق
_ وانا حاربت الكل عشان اخدك يا ملك اوعي تغدري بيا
فلاش بااك
قبل 4 سنين
_ ملك ايه اللي عايز تخطبها انت اټجننت دي كانت هتقتلك
_ يابابا ارجوك افهمني...
متابعة القراءة
