كنت روحي
المحتويات
علشان تعاملني كدا ... انا كبيرة
_ هههههههه خلاص يا قطتي انت كبيرة
بطل بقى تناديني بالالقاب دي ... اسمي أمنية ... تمام
_ طب اقدر اعرف انت متضايقة ليه
مش متضايقة ولا حاجة.... وبعدين سايب خطيبتك ليه وجاي تقف هنا
_ انت ناسية اني مش بحب الدوشة.... يعني زيك بالضبط
بس دي خطوبتك...
طب بالله عليكم الطفل دا يكون بابا ازاي ... هو اسر كدا روحه مرحة دايما هو حلو مش وحش وقلبه جميل اوي بس المشكلة أن قلبه دا مش حبني انا ...
_ طب اقولك بدل الملل دا... ايه رايك اغنيلك
_ امممم بما انك أشبه بالحوريات كدا في الفستان دا نقي انت
هههههههه ... غنيلي يا من هواه
_ اوبس ... ليه الغم دا بقى
بهدوء ... دي انسب اغنية للوقت دا ...
_ بتقولي ايه
ولا حاجة مش انت قولتلي اختاري يلا بقى
_ حاضر حاضر ...
يا من هواه أعزه وأذلني
كيف السبيل إلى وصالك دلني
أرعى النجوم وأنت في عيش هني
أنت الذي حلفتني وحلفت لي
وحلفت أنك لا تخون وخڼتني
وحلفت أنك لا تميل مع الهوى
أين اليمين وأين ما عاهدتني
كنت بسمعه بقلبي ... صوته كافي يخليني أحبه كل دقيقة ... أعترف أن كل مرة يناديني فيها حاجة غريبة بتحصل في قلبي ... وكان قلبي بيرفع راياته يعلن اني بحبه بدل المرة الف ... هو مش بيرضى يغني لحد غيري حتى لو كانت دينا ... يقولها لا هغني لامنية بس ... طب ليه كل الاهتمام دا مش حب ...
بهدوء ... اهي الحيزبونة حضرت ...
عارفة أنه سمعني ... هو عارف اني مش بحب ريم دي من اول مرة عرفني عليها ... علشان كدا بيستحمل اللي بعمله علشان عارف اني لو مش حبيت حد مستحيل احبه ... كان بيحاول يكتم ضحكته ويتكلم في نفس الوقت علشان كدا وشه قلب لأحمر ...
اه ... دي أمنية واقفة ... معلش مخدتش بالي...
اكشفي نظر يا حبيبتي
مش يلا يا اسر
روح معاها يا عمووووري
_ بهدوء ... هههه يا بت اسكتي مش عارف اتكلم من كتر الضحك يخربيتك
ذوقك وحش اوي
_ طب حبيها علشان خاطري
مستحيل ...
_ علشان بابا
استغفر الله ...
بقولك ايه يا ريم يا حبيبتي ... حلو اوي الفستان دا
مرسي
بس لما لبستيه بقى بارد وحش فقد كل حاجة حلوة فيه ... بقى رخم
عن اذنك يا اسر ... ياريت تحصلني بسرعة
ايه بتبصلي كدا ليه ... حاولت اكون لطيفة معاها
_ وايه حصل
ردت عليا بمياعة
_ اعمل فيكي ايه
بكل هدوء وعيون بريئة ... هتعمل ايه يا بابا اسر ...
_ امشي يا بت انت من وشي
روح انت للبت دي انا هقف هنا
_ اه علشان تتشقطي ... امشي قدامي يا بنتي الله يهديكي ...
مش حابة الجو هناك ... رخم رخم ...
_ تصدقي بالله ولا انا ... بس كل دا لجل عيون ريم
حسيت انه صب ماية مغليه على قلبي ... اتخنقت بالدموع علشان كدا مشيت معاه وانا ساكتة ... حاولت اتجنب الكل لحد مالحفلة دي تخلص ... بس الأوقات السيئة دايما بتكون طويلة اوي اوي ... وبعد وقت طويل بالنسبة ليا روحنا ... كالعادة بابا وماما بيسبوني اروح مع اسر ودينا ... المرة دي مكنتش عايزة ارجع معاه في العربية بتاعته لأن مكاني واحدة تانية خدته ....
انا بقعد جنب اسر ...
بس انا خطيبته يا حبيبتي
ودا ماله بالمكان ... انا متعودة اقعد قدام معاه ... ارجعي انت مع دينا
لا بقى دا انت عيلة فعلا
انا مش عيلة قولت
_ أمنية خلاص
بدموع ... دا مكاني يا اسر
_ بس ريم خطيبتي
يعني هتسيبها
متابعة القراءة
