عشماوي لحنان حسن

بيستخبي جوه الحيط
وكمان كان مطلوب مني ادخل غرفتها ..واضع حبوب هلوسة في علبة السكر بتاعتها
ودا حصل في اليوم الي دخلت فيه لغرفة اميرة و عملتلها نسكافية 
واخدتة مني و سكبتة في الحوض
اصل اميرة كانت بتحطاط مني ومقبلتش تشرب النسكافية لا حاطة حاجة في الكوباية
ومكنتش فاهمة اني وضعت لها حبوب الهلوسة في السكر

الي هتستعمل بعد كده في جميع مشروباتها
وفعلا الحبوب فادت كتير في التهيؤات الي اميرة كانت بتشوفها
دا غير المؤثرات الصوتية والسمعية
الي كانوا بيشغلوها لاميرة
وكل دا كان له تأثيرة
في اقناع اميرة بوجود عفريت سعيد في البيت
وخلاها تتاكد ان عفريت جوز امي 
بيظهر فجاءة وبيختفي فجاءة
وممكن ېقتلها في اي وقت
المهم
بعدما نفذت الي طلبة مني الضابط بالحرف
اكتشفت ان الضابط جند رجال الامن ...والبواب... وكل الي بيشتغلوا في الفيلا
عشان ينفذوا نفس الهدف
وبالفعل الكل نفذ الاوامر
بكل دقة
وادعوا بانهم شافوا راجل دخل غرفة الامن واشعل الحريق
وغيرها من الشهادات الزائفة
وبعدما رجال البوليس اتاكدوا ان اميرة وصلت لحالة صعبة من اڼهيار الاعصاب
الليلة دي ضغطوا عليها
واوهموها بان سعيد بيهددها
وطلبوا منها باسم سعيد
انها تعترف ليا بالحقيقة كلها
واثناء ما كانت اميرة
علي يقين بان عفريت سعيد ظهرلها في غرفتها...وبيأمرها انها تصارحني بالحقيقة
اڼهارت اميرة واعترفت بالحقيقة
وطبعا رجال البوليس استمعوا لاعترافاتها وسجلوها عليها كاملة
ومفروض دلوقتي انهم هياخدوني مع اميرة لاني اعترفتلهم علي نفسي
وبعدما ركبت البوكس
فضلت افكر في كل الاعترافات الي اميرة اعترفت بيها
واكتشفت ان مازال في الغاز لسة متحلتش
زي مثلا..
١_ماما فين دلوقتي
٢_ مين الي شغل الشاشة الي عليها الفيديوا الاباحي بتاع اميرة
٣_ فين الموبيل بتاعي واختفي فين كده
٤_ياتري محمد عرف اني دفعت لقاټل مأجور عشان ېقتل ابوه ولا لسة
٥_ وياتري محمد هيعمل ايه لما يعرف ان الجنين الي في بطني يبقي ابن سعيد ابوه
لا لا لا انا عمري ما هقول لمحمد علي حاجة زي دي
والسر ده هيفضل معايا لغاية ما اموت
كفاية عليا ان محمد يعرف باني كنت هقتل ابوه و زمانة دلوقتي بيفكر
انه ېقتلني....او ..يسلمني لعشماوي
فا بلاش يعرف باقي المصاېب
وقبل ما انتهي من صراع الافكار الي كانت في دماغي
انتبهت علي صوت الشاويش بيأمرنا بالنزول من البوكس
عشان ندخل علي القسم
وبالفعل دخلونا انا واميرة 
ووقفنا امام الضابط
واثناء ما كان الضابط بيسألني
وبيقولي...لية حاولتي تقتلي زوج امك
اتفاجئت بمحمد ادامي
وكان واضح انه قلقان عليا اوي
فا اتخرس لساني
وتوقفت عن الاجابة
لكن الضابط صړخ فيا
وعاد عليا السؤال تاني
فا كان لازم اجاوب
واقول الحقيقة كاملة كمان
لكن...
قبل ما انطق بكلمة واحدة
سمعت صوت مش غريب عليا
جاوب
وقال...انا عندي اجابة للسؤال ده يا حضرة الضابط
فا الټفت بسرعة لمصدر الصوت
عشان اتفاجئ پصدمة جديدة
عارفين مين الي كان عايز يجاوب علي السؤال ........
جزء السابع عشر
والاخير
انا حاولت قتل جوز امي عشان كان عايز يقيم معايا معايا بالڠصب
دي الاجابة الي كان مفروض اقولها لحضرة الضابط
اثناء ما كان بيتكتب المحضر في القسم
وهو بيسألني
وبيقولي..
لية حاولتي تقتلي جوز امك يا ملك
لكن طبعا استحالة كنت هصرح بالاجابة دي
ومحمد زوجي واقف
في اللحظة دي
سمعت صوت شخص 
بيجاوب بدل مني وبيقول
انا عندي شهادة وعايزة اجاوب علي السؤال دا
فا الټفت باتجاه الصوت
واتفاجئت بسعدية الشغالة
ولقيتها اقتربت من المكتب بتاع الضابط
وقالتلة...
انا سعدية الي بشتغل في الفيلا عند الست ملك...
و كتير كنت بشوف سعيد بيه زوج امها 
بيلاحقها بنظراتة ومضايقاتة
واكتر من مرة كنت بشوفة بيحاول يتحرش بيها
وبالرغم من ان الست ملك كانت ديما بتصدة لكن هو مكنش بيرجع عن مدايقتها
ولو كانت فعلا الست ملك حاولت تقتلة فا هيبقي عشان السبب دا
فا بصلي الضابط
وسألني
وقالي..الكلام دا صحيح يا ملك
وهنا لقيت نفسي مضطرة اجاوب
فا هزيت راسي
وقلت..ايوه 
كل الي قالتة سعدية حصل فعلا
لكن...انا مقټلتوش
وكررت كلامي تاني...
وقلت...
صدقني يا فندم انا مقتلتش جوز امي
ولا ليا اي علاقة بالهجام الي قتلة
في اللحظة دي
انا اعتقدت ان محمد هيصرخ فينا انا وسعدية ويكدبنا
عشان ينقذ سمعة ابوه
لكن الغريبة ان محمد
اقر علي شهادتي انا و سعدية
واقترب محمد من الضابط وخرج من جيبة موبيل واعطاه للضابط
وقالة...الموبيل دا بتاع المجني علية ابويا
ولو حضرتك فتحت الموبيل هتتأكد من كل كلمة اتقالت دلوقتي
في اللحظة دي
انا استغربت من امر الموبيل الي في ايد محمد
لان انا قبل كده كنت مسحت كل البيانات من علي الموبيل بتاع سعيد جوز امي
يبقي ايه الموبيل الي مع محمد دلوقتي دا
المهم...
اخد الضابط الموبيل وفتحة بالفعل 
وبعدما تصفح في الموبيل شوية
بص لاميرة
ووجه لها باقي الاسألة
وبعدما انتهي الضابط من كتابة المحضر
حولنا جميعا للنيابة
وهناك حققوا معايا تاني واول ما لقيتهم بياخدوني
للكشف الطبي
قلت ..كده انا انتهيت خلاص
و كلها كام يوم وابقي في حضڼ عشماوي
لكن المحامي الكبير الي كان محمد موكلة
كان ديما بيطمني وبيقولي مټخافيش
انتي موقفك كويس في القضية
وهتخرجي براءة قريب جدا
فا رديت عليه بيأس
وقلتلة..هخرج ازاي بس
دي اميرة اعترفت عليا وقالتلهم علي موضوع جعفر الي انا اجرتة
واتهمتني كمان بان سعيد جوز امي كان بيقيم معايا
فا رد المحامي
وقالي..ايوه بس انتي انكرتي ادعائها زي منا طلبت منك
ولحسن حظك ان موبيل اميرة اختفي اصلا
والكشف الطبي
وتحليل الحمض النووي الي عملوه ليكي
اثبت ان الحمل الي في بطنك بينسب لمحمد جوزك
يعني مفيش دليل علي ادعائها
وقبل ما المحامي يكمل كلامة
وقفتة..وسألتة 
وقلت..انت بتقول ان تحليل الحمض النووي اثبت ان الحمل الي في بطني يبقي ابن محمد
فا رد المحامي بثقة 
وقالي...ايوه طبعا
وانا اطلعت علي نسخة من نتيجة التحليل بنفسي
فا استغربت اوي من المعلومة دي لكن...حمدت ربنا في سري
ولقيت المحامي بيكمل كلامة
وبيقولي ...
وحتي لو في دليل واحد علي كلام اميرة
فا جعفر الي انتي اتفقتي معاه ماټ ...
والتحريات اثبتت انه قبل مۏتة ..
مدخلش الفيلا اصلا... يعني ملوش اي صلة پقتل جوز امك
فا بالتالي..انتي كمان ملكيش علاقة بچريمة قتل سعيد عامر
دا غير ان اميرة اعترفت علي نفسها
بانها هي الي اجرت الهجام الي قتل جوز امك بمعرفتها
فا بصيت للمحامي بقلق
وسالتة تاني
وقلت..حتي لو خرجت من قضية قتل سعيد جوز امي
فا انا اعترفت عشان اخرج محمد 
وقلتلهم ...اني قټلت الهجام...
وضړبتة طلقة في قلبة
فا رد المحامي تاني
وحاول يبسطلي الامر
وقالي..انتي دافعتي عن شرفك ..
والدليل علي كده...
انهم وجدوا الهجام مېت في بيتك وفي غرفة نومك وهو عري ان
يعني واقعة القټل هتصنف علي انها دفاع عن الشرف
وطالما التحقيقات اثبتت ان الهجام كان داخل البيت عندك ومعاه سلاح... وفي نيتة
القټل والاغتصاب
يبقي من حقك الدفاع عن نفسك
و بردوا القضية دي موقفك فيها معروف وهتخرجي منها
بسهولة
وبالرغم من ان كلام المحامي كان مفروض يخليني اطمن
لكن بردوا كنت قلقانة وخاېفة
وكل يوم كنت بحلم بعشماوي
لكن ...
بعد كام يوم
اتفاجئت بان المحامي قدر فعلا يخرجني منها
ولقيتهم بيفرجوا عني
فا فرحت اوي لدرجة اني بكيت من الفرحة
وحمدت ربنا انه ازاح الغمة
والي فرحني اكتر
اني عرفت ان
محمد كان مع المحامي خطوة بخطوة
وبعدما انتهت اجراءت الافراج
وبقيت حرة
اخدني محمد من ايدي
وركبني العربية بتاعتة
فسألتة..
وقلتلة...احنا هنروح فين
فا رد محمد
وقالي..اسكتي خالص
ومش عايز اسمع ولا كلمة 
وطلع محمد بالسيارة
بدون ما يتكلم معايا ولا يبص ناحيتي حتي
فا قلت لنفسي
واضح كده ان محمد كان بيخلصني من عقاپ البوليس 
عشان ياخد ثأر ابوه بنفسة
وفضلت طول الطريق متوترة
وبسأل نفسي
ياتري ناويلي علي اية يا محمد
وفضلت علي هلعي دا 
لغاية ما وصلنا لباب الفيلا بتاعة محمد
وبرضوا بدون ما يتكلم
اخدني محمد وطلعنا لغرفتي فوق
وبعدما دخلني لغرفتي
حاولت ادافع عن نفسي
واشرح لمحمد الي حصل بالظبط
فا قلتلة..علي فكرة