اسكريبت بقلم الاء محمد
المحتويات
انا هدخل المكتب بتاعي اشتغل ..
عصام قام دخل على مكتبه .. ورد حاطت الكتب بتاعتها على الترابيزه وقعدت جنب امها ..
ورد هو في ايه يا ماما بابا ماله .
اسماء اصل جدك كلمنا من شويه وقال ان احنا لازم نسافر البلد ونحضر خطوبه هند بنت عمك بس ابوكي حاول يرفض عشان ما تشوفيش مازن وتضايقي وكده وجدك مجرد ما سمع الكلمتين دول اتعصب وقاله لو مجيتش هتبرى منك .
ورد عملتلنا بقى يا بابا كوبايتين نسكافيه انما ايه حكايه ..
عصام ابتسم تسلم ايديك يا حبيبتي ..
ورد قعدت ايه يا بابا هنسافر امتى بقى .
عصام مش هنسافر يا ورد انا ما اقدرش اعرضك لحاجه تضايقك اكتر من كده كفايه اني كنت هدمرك بسبب القرار اللي اخدته ..
عصام يعني يا حبيبتي انتي مش هتضايقي .
ورد لا طبعا يا بابا مش هتضايق كلم جده وعرفه ان احنا هنيجي نحضر الخطوبه
تاني يوم ورد واهلها فعلا سافروا الصعيد والكل فرح بوجودهم كانوا قاعدين في الصاله الكبيره وسلمان وهند و سعاد قاعدين معاهم
ورد انتي عارفه يا هند انا ما اقدرش اتاخر عنك وعارفه معزتك عندي ازاي .
سلمان يلا طيب قوموا استريحوا شويه عشان تجدروا تسهروا معانا في الخطوبه بالليل .
ورد ابتسمت ولسه هتتكلم اتفاجئوا كلهم بمازن داخل من باب البيت اول ما شافهم و دى وشه الناحيه التانيه وراح ناحيه السلم .
مازن قرب منهم بحرج .. كان عارف كويس ان عمه ما سامحوش على اللي عمله في بنته ..
مازن مد ايده كيفك يا عمي
عصام اهلا يا مازن عقبالك .
مازن هز راسه وطلع بسرعه لاوضته على قد ما الايام اللي فاتت كانت صعبه عليه بس حاسس ان روحه رجعتله لما شافها ..
مازن ياااه كنتي وحشاني جوي يا ورد يارب تكوني بخير و مبسوطه
هند الله يا ورد الفستان ده حلو انتي هتلبسيه النهارده .
ايوه طبعا والله نزلت جبته مخصوص عشانك يا نوده .. قوليلي خطيبك ده بتحبيه ..
هند بصراحه بحبه من زمان بس كنت دايما برفضه عشان انا خاېفه اكمنه صاحب اخويا وكده وكنت خاېفه لمازن يفهم ان انا وهو كنا يعني بنتكلم مع بعض من وراه بس اتفاجئت برد فعل مازن لما عرف كان هادي جدا ووافق على خطوبتنا
هند قوليلي بقى هتتجوزي قريبك ده امتى .. ايوا يا عم هتتجوز بعد قصه حب جامدة و كده ..
ورد باستغراب قريبي مين انا مش فاهمه حاجه .
هند هو مش انتي كنت بتحبي واحد قريبك قبل ما تتجوزي مازن اخويا .. يعني اكيد هتتجويه بعد ما اتطلقتي .
هند ده يعني من ساعه ما انت ومازن اطلقتوا صح .
ورد ايوه وقبل ما نتطلق كمان اخر مره شفته فيها كان في فرح قريبتي وقلتله الكلام ده و تاني يوم على طول انا و اخوكي اتطلقنا .
هند بدات تجمع كل الخيوط وفهمت الحاجه اللي ورد ومازن مكانوش فاهمينها .
هند اه طيب طيب ربنا معاكي يا حبيبتي انا هروح بقى اوضتي عشان ابتدي اجهز نفسي يلا باي .
هند خرجت بسرعه و ورد استغربت بس ضحكت على حماسها
اما في اوضه
مازن الباب اتفتح فجاه ودخلت منه هند ..
مازن باستغرب جرى ايه يا بت مش تخبطي هي الخطوبه دي هتاكلك عقلك ولا ايه ..
هند اسمع بس يا مازن اللي انا عرفته .. انت طلعت كنت ظالم ورد
مازن ظالمها ازاي يعني
متابعة القراءة
