من حكايات أيمي بقلم أيمان صلاح
المحتويات
عايزه تروحي معاه ولا ايه
بصتله باستنكار _ لا طبعا واروح معاه بمناسبة ايه يعني
_ اصل انا شايفك زعلانه
رديت پحده _قصدك ايه يا عمر يعني
_قصدي المكان اللي يقف فيه حازم متقفيش فيه يا مريم
_ وانا اللي وقفت ولا هو اللي جه وقف يا عمر
_ هو جه وقف انتي تدخلي على طول متقفيش معاه
رد عليا بضيق _ طيب يلا نروح
دخل عند جدو وباباه كانوا قاعدين فبصلهم بضيق
_ احنا هنمشي يا جدو عايز حاجه انت او بابا
جدو بصله بدهشه _ هتروح فين يا ابني الجو ليل وانت مش قولت هتبات هنا
رد عليه بابتسامه حاول يظهرها _ لا معلش جالي شغلي بدري ولازم اروح
ابتسم _ عادي ما هي معايا يا بابا وانا معايا العربية مش هناخد وقت
سلمنا عليهم وسحبني بسرعه وركبني ورزع الباب وركب وحرك العربية وساق بسرعه فاتكلمت بضيق
_براحه يا عمر فيه حد يشد حد كده ولا يسوق كده براحه
اتكلم پحده _ انا مش عايز اسمع صوتك
اللي بتكلمني بيه ده
بصلها وساق بسرعه عاليه فصوت وحطيت راسي بين أيدي من الخۏف فبعدها هدى السرعه شوية ونزل من العربيه
_يلا انزلي يا مريم
بصتله وانا بمسح دموعي
_ انت انسان اناني وانا مش مسامحاك
نزلت من العربية وطلعت الشقه وفتحت ودخلت وهو دخل ورايا
زعقت_ انا مش عايزه اتكلم معاك سبني في حالي
بصلي وزعق _ كنتي عايزاني اعمل ايه وانا شايفه واقف معاكي
_ متعملش حاجه وانت مالك اصلا مش كنا متفقين اننا هنطلق ايه اللي زعلك بقى وكمان انت عارف اني بخاف بتزود سرعة العربية ليه
بصلي وخد نفس بضيق فدخلت اوضتي وقفلت الباب حقيقي اكتر حاجه بخاف منها هي السرعة العالية بتاعت العربية نمت مكاني من غير ما اغير هدومي وقومت على صوت في المطبخ صوت خبط جامد دخلت بسرعه لقيت عمر واقع على الأرض ومش قادر يقوم جريت عليه
بصلي بالم _ مش قادر اقوم يا مريم
بصتله بقلق_ايه اللي وقعك طيب
_كنت بعمل ايه ومحتاج حلل فوق المطبخ وقوفت وكانت الحلل عاليا فوقعت
بصتله بحزن وحاولت اسنده وصلته لحد السرير واتصلت بالدكتور عشان يجي بعدها دخلت المطبخ شوية فكان الدكتور وصل دخل كشف عليه وربطله رجله
_ الموضوع بسيط عنده تمزق في رجله فلفيتها يومين كده وهاجي افكها انتي بس هاتيلوا العلاج ده وخليه يمشي عليه بانتظام
هزيت راسي وقولتله_شكرا جدا يا دكتور على تعب حضرتك
ابتسم_لا شكرا على واجب لو احتاجتي اي حاجه كلميني
ابتسمت _شكرا لذوق حضرتك
استأذن ومشي وانا نزلت عشان اجيب العلاج جبته وقابلت صفاء صحبتي
_ازيك يا مريم عامله ايه
_الحمدلله بخير انتي اخبارك ايه
_الحمدلله مش بشوفك يعني
ابتسمت _والله امبارح كنا عند أهل عمر والنهارده عمر وقع حتى كنت بجيب ليه العلاج
_لا الف سلامه عليه ربنا يشفيه
_اللهم امين عن اذنك
سبتها وطلعت فتحت الباب ودخلت عنده كان قاعد
_ها بقيت كويس دلوقتي
بصلي بضيق ومردش فبصتله باستنكار _انت كمان اللي زعلان!
اتكلم وهو بيقلدني_ شكرا على تعبك ...شكرا لذوق حضرتك يا دكتور
بصتله بدهشه _ وده ايه اللي يزعلك
بصلي وهو مكشر _بصي يا مريم انا مش هجدلك عشان تعبان
جريت لحد عنده بلهفه
_مالك تعبان فيك ايه
بصلي شوية بهدوء وبعدها رد _مفيش حاجه انا كويس الحمدلله
_طيب انا هدخل اجيبلك شربة واكل عشان العلاج
كان هيعترض رفعت صباعي بتحذير _مش عايزه كلمه
متابعة القراءة
