حكاية سارة..

واحد غريب
ساره_ لا مش حكايه غريب بس انا بتحرج زياده الطبع ده حاولت اتخلص منه كتير ماعرفتش
محمد _ ده احلي حاجه فيكى متتخيليش نظرتك وانتى مكسوفه بتبقى حلوه ازاى بتاخد قلبي معاها وخدودك الحلوه دى لما بتحمر ببقي عايز اكلها
ضحك محمد_ ايوه بالضبط زى دلوقتي
محمد ضاحكا_ احبك وانت 
ابتسمت ساره اول مره يقولها بحبك
محمد _ ماسألتيش ايه الموضوع اللي كنت عايزك فيه!!
ساره_ اه صحيح إيه الموضوع!
محمد_ انتى مش كان نفسك من زمان تدرسى لغات وتشتغلي في الترجمه
ساره_ ايوه بس ايه علاقه ده بالموضوع
محمد_ هو ده الموضوع سألت هنا لقيت اكاديميه بتعلم اللغات هتدرسى فيها انجليزى وفرنساوى وفيها عرب وناس من كذا دوله واللي بتفوق في الاكاديميه بيجيبوا له شغل كمان وممكن يعينوه ف في الاكاديميه نفسها عايزك تتطولي رقبتي 
ساره وهى مش مصدقه_ بجد يامحمد انت بتتكلم جد صح انت ها انت بتتكلم جد
محمد بسعاده ايوه طبعا المواضيع دى فيها هزار
لمعت الدموع في عيون ساره _ عملت ده علشانى
وقبل مايرد اتفاجأ بساره بتجرى عليه ربنا مايحرمنيش منك يا محمد
محمد وهو بيمسح دموعها_ بطلي بقي عياط ايه يابنتى هو العياط عندك أسلوب حياه
ابتسمت ساره_ خلاص معدتش هعيط خلاص
محمد _ اتفقنا يلا بقي عشان نتغدى
وعدى كام يوم وساره هطير من السعادة وعماله تجهز نفسها عشان الدراسة هتبدأ بعد أسبوع
...
زهره_ مش عارفه ليه قلبى واكلنى ع العيال
ذكى_ ليه يازهره انتى مش بتقولي بتكلميهم كل يوم وصوتهم كويس
زهره_ مش عارفه ساره جت لي في الحلم بټعيط وقايميه من النوم قلبي مقبوض
ذكى_ ان شاءالله خير بس تلاقي من قلقك عليهم
زهره_ يارب ياذكى انا هشرب القهوه واقوم ادردش معاها واطمن عليهم
ذكى_ يبقي احسن عشان تتطمنى بدل ماتفضلي قلقانه طول اليوم
...
سمعت ساره خبط على الباب استغربت اول مره تحصل قربت من الباب
سمعت صوت واحد_ افتحى يا استاذه ساره انا زميل محمد في الشغل
ساره_ ايوه اى خدمه
المجهول_ هو نسى ورق مهم في درج المكتب محتاجه ضروري دلوقتي
ساره بعدم ارتياح_ غريبه ومجاش اخده ليه هو
المجهول_ لانى كنت قريب من الحى هنا فقالي اجيبه نختصر الوقت بسرعه ارجوكى
لبست ساره طرحتها وفتحت درج المكتب وطلعت الورق وخرجت وفتحت الباب
ساره_
اتفضل الور... انت!
خالد_ ايوه انا فاكره هتهربى منى لما تقفلي تليفونك
ساره بعصبيه_ لو مامشتش دلوقتي هتصل علي الشرطه
خالد بجرأة ووقاحه_ مش همشى
حاولت ساره تقفل الباب بسرعه بس هو كان أقوى ودفع الباب بقوته لدرجه وقعت ساره علي الأرض دخل وقفل الباب
ساره پبكاء وضعف_ اخرج من هنا
جرت ع التلفون تتصل على محمد اخده 
ساره بصوت ضعيف_ بالله عليك سيبنى
خالد_ ممكن اعرف متمسكه بالمعاق بتاعك علي ايه انا بحبك يا ساره من أول يوم شفتك مش قادر أعيش من غيرك لو ع الفلوس انا اغنى منه لو ع الجمال انا أحلي منه هوريكى اللي محلمتيش تشوفيه
ساره بضعف_ بقولك اطلع بره بره
ساره بټعيط بحرقه_ سيبنى
خالد بعصبيه_
ساره_ اطلع بره ومحمد ده احسن منك مليون مره
خالد پجنون_ بقي كده ياساره 
جرى بيها عايزك تقوليلي بقي احسن انا ولا هو 
ضحك خالد_ بصراحه نفسى يجى 
...
حاولت زهره ترن علي ساره كذا مره ومبتردش قلقت زياده اتصلت علي محمد
زهره_ ازيك يامحمد
محمد_ خير ياماما في حاجه اول مره تكلمينى في الشغل
زهره بقلق_ مش عارفه يامحمد قلقانه على ساره منةالصبح وبرن عليها كتير مش بترد
محمد_ وانا كمان والله مش عارف قلقان ليه من الصبح هاخد اذن واروح اشوفها
زهره_ بسرعه يامحمد وابقي طمنى ياحبيبي
محمد_ حاضر
زهره_ استرها من عندك يارب
...
خالد بخضه_ مالك ياساره 
ساره_ ابوس ايدك ناولنى كوبايه الميه وشريط البرشام من وراك لو مخدتوش دلوقتي ممكن اموت
قام خالد وبص وران مالقاش حاجه ولا لقي ساره قصاده هي متعرفش القوه دى جت لها منين وبسرعه فتحت البلكونه
ساره_
ساره بقولك ابعد
خالد بابتسامته _ ورينا شطارتك انا مش همشى من هنا الا اما اخد منك اللي انا عايزه
جرى عليها لكن ساره كانت أسرع وبدون تفكير رمت نفسها من البلكونة
...
وصل محمد للعماره اللي ساكن فيها لاحظ حركه غريبه وعربيه اسعاف طالعه وشرطه واقفه استغرب وقلق طلع بسرعه الشقه لقي فيها البوليس اتخض وبدأ يسأل فيه ايه!
ضابظ الشرطه_ فيه شابه تقريبا عشرين سنه وقعت من البلكونه من هنا وفيه شك جنائي وهنعاين