جئت جبرا لقلبي
على سماعي للجملة دي.. كل حاجة اتغيرت معاملتي لآدم ومعاملة آدم ليا.. حاولنا نقرب بين أهلنا بس احنا بعدنا!
ما هو لو كنا زمان أخوات فدلوقتي بقيت مكتوبة على اسمه.. بقيت مراته.
لو ضحكنا على أهلنا في الخطوبة مش هنضحك على ربنا في الجواز.
_ يا بابا لو سمحت خليني أروح الفرح!
_ مش هينفع تروحي لوحدك.
_ طب تعالى معايا!
_ طب تعالي معايا انتي يا ماما!
اتاوبت_ أنا هدخل أنام تعبانة أوي.
_ طب والعمل بقى!!
رد بابا_ طب ما نكلمي آدم ييجي معاكي!
اتوترت_ آدم مش فاضي.
_ وراه ايه!
قبل ما أرد كان طلع موبايله ورن عليه..
_ انت فين طب تعالى خد حواا ووديها فرح صاحبتها.
خلص كلام معاه وبصلي..
_ انزلي له خمس دقايق وهيجيلك.
هزيت راسي ببطئ وخدت شنطتي ونزلت.. وماخدتش بالي من ضحكتين خبيثتين من اتنين اسمهم أبويا وأمي!
_ مكلمتنيش انتي ليه بدل عمي
غمضت عيني وخدت نفس قبل ما الټفت وأبصله..
_ محبتش أتقل عليك.
رفع حاجبه..
_ من امتى
ابتسمت بخفة..
_ بحاول من دلوقتي.
_ قصدك من ساعة كتب الكتاب.
سكت فكمل.._ اركبي يلا أوصلك فرح صاحبتك.
ركبت جنبه وطول الطريق اللي كان قبل 20 أيام مكنش بيكون في دقيقة سكوت.. أما دلوقتي فالطريق كله كان صمت.. طول ال 20 يوم اللي فاتوا كنت بفتكر أيام الخطوبة تجمعاتنا العائلية اللي مثلنا فيها الفيديو اللي صورناه وكان السبب في إننا اتدبسنا صور قراية الفاتحة.. أنا نظرتي لآدم اختلفت ومش هينفع أرجع معاه زي الأول.
_ نعم..
_ آجي معاكي
_ بس انت مبتحبش أفراح صحابي!
_هقف معاكي انتي.
سكت شوية وقولت باستنكار.._ أمل جوا.
سكت هو كمان لحظة قبل ما يبتسم..
_ أعتبر دي غيرة!
ضميت حواجبي باستنكار أكبر.._ أغير من أمل!
_ أو تغيري عليا.
_ دا عند مرات عمي.
نغزني في دراعي.._ احترمي نفسك.
ضحكت بۏجع.._ طب انزل يا اخويا انزل.
دخلت القاعة وروحت لصحابي.. وقفت معاهم وكان من ضمنهم أمل وخطيبها!
عرفت من صحابي إنها اتخطبت من يومين!
حزنت على آدم وعلى حلمه اللي راح بسببي.. بس الغريبة.. إن في شعور تاني كان غالب على حزني!!
_ ايه دا يا حواا هو آدم جاي معاكي!
بصيت لصاحبتي.._ اه ليه
_ أصله واقف ورا بيبصلك.
_ مكنتش أعرف والله إنها اتخطبت!
ابتسم_ بس أنا كنت عارف.
رفعت حواجبي بدهشة_ وجيت
_ ايه علاقة مجيي بخطوبتها
ضميت حواجبي بحيرة.._ آدم!!
مسك إيدي _ ما تيجي نرقص!
ومن غير ما يستنى ردي شدني لحد ما وقفنا جنب العريس والعروسة.. وحط إيدي على كتفه وإيده على وسطي!
عيني وسعت پصدمة! همست وأنا عيني بتلف على القاعة كلها_آدم انت بتعمل ايه!
_قصدك أختك.
قرب مني وهمس في ودني _لو جدعة قوليها بصوت عالي!
حاولت أمنعها بس للأسف مقدرتش وابتسمت!
_شايفاك تأقلمت على الوضع بسرعة!
_20 يوم مش شوية!
_20 يوم يخلوك تغير نظرتك لأختك!
_على أساس إنك انتي اللي متغيرتيش!
_هو كتب الكتاب بس اللي عملي رهبة.
_كتب الكتاب اللي قلب قلوبنا.
_آدم انت كنت بتحب أمل.
_ف لو تديني أمل لعلاقتنا أكون شاكر جدا ليكي.
بصيت في عينه وابتسمت ابتسامة هو عارفة كويس ابتسامة مبتطلعش إلا قبل كل حركة مچنونة..
_تدفع كام
_خلينا نتمم الجوازة وأنا أقولك.
_موافقة عارف ليه
_ليه
قربت منه وهمست في ودنه_عشان السطح مبقاش جاي معايا سكة.. سهرات الشقة هتكون أحلى.
_ بس أنا مش هجيب حلويات.
_نعم! ليه
_أخاف أتلغبط بينكوا وأكلك بدالها!
_ومين قال إني هعترض
_ايه
_غمزت..وسكت ..
تمت
