اغفر لي
أنك بتحبها وأن العناد مش هيفيدك.
_أنا مكدبتش عليها انتي خطيبتي
_بس انت مبتحبنيش ولا أنا بحبك أنت خطبتني عشان تنسي ناريمان ولحد دلوقتي مش قادر تنساها ولا تسامحها حتي
_أنا سامحتها علي فكرة
_كدب لو سامحتها كنت هتقبل ترجعلها
_صعب ارجعلها
_اللي بيحب بيسامح يا أحمد اوعي تنسي أنت اتخليت عن ابوك وصدقت أنه مچرم ومۏته بالحيا ورغم كده سامحك ازاي مش قادر تسامح...
_يا أحمد أنت بتحبها وهي بتحبك ليه العند دور عليها ورجعها
_منال!
ابتسمت منال وخلعت الدبلة وقالت
_يالا متنحش روح رجعها!
أبتسم أحمد وجري قعد ايام يدور عليها لحد ما لقاها في الحديقة مع طفل صغير..
_ناريمان.
بصيت ورايا ولقيت أحمد بصتله بقرف وقولت
_خير يا أخ جاي تعزمني علي فرحك
_انتي بتعملي ايه هنا.
_أنا بشتغل في حضانة وجيت افسح الولاد
_جميل شغلانة حلوة بصراحة بس مش هتشتغليها تاني
_وده بأمارة ايه إن شاء الله.
_بأمارة إني هبقي جوزك ومش هسمحلك تشتغلي تاني
_ده عند أم ترتر عارفها
مسك أيدي وقال
_هتيجي ولا اشيلك قدام العيال وتبقي فضيحتك بجلاجل
_مش جاية
_نزلني يا مچنون..
_وافقي تتجوزيني الأول
_موافقة.. موافقة.
واتجوزنا أنا وأحمد وقضيت معاه أحلي ايام عمري وفي يوم اخدني عشان ازور بابا...كنا واقفين جمب بعض وبنقرأ الفاتحة لبابا خلصت وبصيت لأحمد وقولت
_مسامح بابا يا أحمد.
_أنا عمري ما أزعل منه ربنا يرحمه يارب ويجازيه لأنه كبر وربي أغلي واحدة في حياتي.
وقولت
_أنت أجمل راجل في الدنيا
_وأنت أجمل ست في الدنيا
تمت
