شهرزاد وقعت في الحب بقلم شهد محمد
المحتويات
باصين لبعض شويه بعدين قالي
_شويه وهيكون عندي ضيف مهم وانهارده محدش جيه من الخدم ممكن تعملي لينا القهوه لما يجي
_ااه طبعآ اكيد
قطع كلامي صوت رونزي وهي بتنادي عليا روحت ليها جبتلها مياه وفضلت قاعده بكمل ليها الحدوته لحد ما نامت
_القهوه يا روز
فهمت إن الضيف جيه دخلت المطبخ جهزت فنجانين قهوه وروحت أقدمها ليهم
لكن الصدمه إن الضيف كان ياسين!
القهوه كانت هتقع مني خدت بالي منها وحطتها على التربيزه خد باله مني استغرب اټصدم نظرته مش عارفه احددها ولا احدد معناها قطع شرودي صوته وهو بيقول
_انتي بتعملي ايه هنا
يوسف بصلي وبص ليه وقاله
_انتو تعرفو بعض!
من ارتباكي وعيني اللي خانتني ودمعت فهم إن ده ياسين اللي حكتله عليه
_امم طيب المدام روز تبقا مراتي
ياسين بص ليه وبصلي وقال
_مراتك!!
_اه مراتي يا استاذ ياسين مستغرب ليه
_لاء لاء ولا حاجه نكمل كلامنا
_ازاي ده ابتدا
_لاء خلص عرضك مرفوض
_بس يا استاذ يوسف ااا
_مبسش كلامي انتهى
_طيب عن اذنك
_استاذ ياسين مراتي اشرف من الشرف ومتستهالش التهمه اللي اتهمتها بيها هو اه اللي حصل ده حصل في الماضي بس قابل اللي جاي عايزك تسترجل كدا للأخر وتقابل اللي جاي واه اقعد اشرب قهوتك انا متعود على إكرام ضيفي
هدوء تام في المكان مش عارفه منين بيودي على فين نظرة ياسين ليا كانت نظرة ندم
نغزة قلبي لما شفته معقوله اكون لسه بحبه
يوسف اللي ساب الشغل المهم بنسباله لما عرف إن ده الشخص اللي اذاني معقول يكون بيحبني قال له مراتي ليه مقالش قريبتي ليه شبهني التشبيه ده معقوله يكون شايفني مراته او يكون عايز يتجوزني
قطع كل الدوشه اللي في راسي دي صوته وهو بيقول
_حقيقي انا اسف مكنتش اعرف ان هو لو كنت اعرف مكنتش دخلته بيتي والله
_متعتذرش محصلش حاجه ومكنش ليه لزوم تلغي شغلك عشاني
_لاء كان له لزوم يا روز
_طيب انت ناوي تعمل ايه
_كل خير
_ارجوك بلاش تأذيه عشاني مش عشانه بلاش تسبب ليه اي أذى ارجوك
_خايفه عليه
_اه لاء يعني اقصد هو ميهمنيش بس اا ..
_خلاص يا روز اللي حصل حصل ومټخافيش ياستي مش هعمله حاجه
قالها وسابني ومشي تقريبآ هو فهم غلط معرفش ليه اتضايق واتعصب! دخلت نمت وقرارت إن تاني يوم الصبح افهمو وجهة نظري بس لما صحيت الصبح مالقتوش لقيت مسدج منو على الواتساب بيقول فيها
..انا هغيب عن البيت فتره خلي بالك من رونزي سدي مكاني يا روز الفتره اللي هغيب فيها مش هوصيكي عليها..
رديت عليه طمنته اني هخلي بالي منها وسألته هو فين بس شافها ومردش
عدا كذا يوم الايام جرت الأسابيع وهو مختفي منعرفش عنه حاجه نفسيتي كانت بايظه انه مش موجود انا اه يتيمة الام والأب بس انهارده عرفت معنى كلمة يتيمه لما بعد عني كنت عامله زي المدمن ومدمر عشان مخدش جرعته وحشني اوي ياريت يرجع او على الاقل يطمني عليه
مكنتش بخلص من سؤال رونزي عليه من عياطها إنه واحشها
لحد ما قلبه حن وبعت مسدج انهارده انه راجع .. حضرت الاكل وجهزت رونزي وجهزت انا كمان كنت عايزه يشوفني جميله رغم ان كان جوايا ڠضب كان نفسي ازعقله واټخانق معاه على غيابه ده لكن اول ما شفته كل الڠضب ده راح ... دخل بهيبته المعتاده رغم انه ماشي على كرسي بعجل لكن ليه هيبه برغم انه عاجز بس شيك ووسيم والانظار عليه
سلم علينا وقعد معانا ناكل لكن كلامنا كان بحدود يظهر إنه لسه زعلان من المره اللي فاتت كان نفسي اقول له انه وحشني وانه مهم في حياتي وانه ميغبش تاني ..لكن اليوم خلص وكل واحد راح لاوضته عشان ينام بس مجليش نوم دخلت البلكونه اقعد فيها كنت سرحانه في حاجات كتير قطع سرحاني صوته وهو بيقول
_لسه بتحبيه
بصيت ليه وقولت
_هو مين
_ياسين!
_لاء هو انا محبتوش من الاول عشان اكون لسه بحبه
_امال كنتي خاېفه عليه مني ليه
_الحكايه ومافيها إني مش بحب
متابعة القراءة
