هلال الجزء الأول بقلم الكاتبة المجهولة

ماما أنا مش هقدر ابعد عن هلال كل اللي اقدر أقولهولك أني هاخد هلال دلوقتي وهفهمها أننا هنروح نقعد شويه عند البركه ولما والدي يرجع أنا هتكلم معاه
حسام خرج و هو مضايق كانت هلال ف الوقت ده بتتكلم مع أخته فيروز
حسام هلال تعالي هنروح مشوار مع بعض وهنبقي نرجع ع الغدا
هلال حسيت أن حسام متضايق من طريقتوا بس مكنتش فاهمه لسه اي اللي بيحصل بس هي خرجت معاه واتحركوا هما الاتنين بالعربيه لغاية ما وصلوا قريه بتطل ع البحيره مكنتش بعيده اوي عن بيتهم
دخلوا هما الاتنين حسام اول ما دخل طلب ليهم أكل أما هلال مكنتش فاهمه اي المشكله بس كانت حاسه أن حسام كان متضايق
هلال حسام أنت كويس حاسه أنك متضايق هي مامتك أضايقت مني في حاجه
حسام لا يا هلال مفيش حاجه أنا عندي بس شوية صداع و أخدت مسكن قبل منزل ف شويه وهبقي أحسن
هلال طب ليه جينا هنا مش كنا هنتغدي مع أهلك
حسام جينا هنا عشان أنا عايز أقعد وأتكلم معاكي لوحدنا هو أحنا مش مرتبطين برضو
هلال أبتسمت أبتسامه هاديه
حسام هلال أنا عايز أقولك أنك البنت الوحيده اللي شدتني بالشكل ده حاسس أني لقيت حاجه كانت ضايعه مني عشان كده مش عايزك تبعدي عني تاني ابدا مهما حصل و من ناحيتي أنا عمري ما هسيبك و كل اللي عايزو منك أنك تفضلي معايا لغاية ما نبقي لبعض
هلال أنا مش ممكن أفكر أني أسيب حد زيك أنا مش عارفه أساسا أنا عملت أي في حياتي عشان حد زيك يبقي ليا
حسام بصلها بنظرة أعجاب وأبتسم بهدوء كان في الوقت ده الاكل وصل وابتدوا ياكلوا هما الاتنين لغاية ما خلصوا واخدها وراحوا يتمشوا هما الاتنين جنب شط البركه وهما اديهم في ايدين بعض لغاية ما جات مكالمه ل حسام و رد كانت مامته بتعرفه أنو والده رجع وانها كمان معرفتوش أي حاجه لغاية دلوقت
ف حسام اخد هلال و رجعوا ع بيته وهناك هلال شافت والد حسام لأول مره كان راجل في حدود الخمسينات لابس بدله وكانت هيبته واضحه جدا بس مكنش شبه حسام ملامحه كانت صارمه شويه مكنتش مريحه بالنسبالها كمان والد حسام مكنش مبسوط أبدا لما شاف هلال................ يتبع
هلال
البارت الثامن
والد حسام أتضايق لما شاف هلال لدرجة أنو حتي مسلمش عليها هو فهم اللي بيحصل وكلم حسام بعصبيه حسام تعالي أوضة المتكب حالا أنا عايزك
هلال كانت أبتدت تحس أن في حاجه غلط بس متكلمتش ومامت حسام حاولت تغطي ع البيحصل شويه وابتدت تتكلم معاها كأن مفيش حاجه
في أوضة المكتب
والد حسام كان عارف أن أبنو عنيد عشان كده حاول يكلموا يسيطر ع عصبيتوا شويه ويتكلم بهدوء
والد حسام مين البنت دي و جايبها ليه هنا يا حسام
حسام اسمها هلال و بصراحه جبتها هنا لأني معجب بيها و عايزكم تتعرفوا عليها لأني ناوي ارتبط بيها بشكل رسمي
والد حسام طيب ولما انت في دماغك الجواز ليه كنت بترفض حتي أنك تقابل البنات اللي كنت بجبهملك رغم أنهم كانوا من عائلات كبيره وغنيه غير كده مين عيلتها البنت دي
حسام أبتدي يحكي لوالده ان هلال دكتوره بعدها كلمه عن عيلتها و عرفه كل حاجه بالتفصيل
والد حسام بعصبيه و بصوت عالي يعني أنت رفضت البنات اللي انا
جبتهملك اللي كان في منهم دكاتره ومهندسين ومن عائلات كبيره وغنيه عشان تتجوز بنت عيلتها مسألتش فيها بعد مۏت ابوها وامها يعني شبه معندهاش عيله واخوها الصغير اللي بتقول عنه هتاخدوا تربيه عندك بعد الجواز هي دي جوازه اصلا
والد حسام كان بيتكلم بصوت عالي جداا لدرجة ان هلال سمعت كل اللي قاله هلال الكلام ډخلها في صډمه لكن بعد لحظات قامت بسرعه وخرجت بسرعه ع بره مامت حسام و أخته حاولوا يعتذرولها وويقفوها بس من غير فايده هي كانت شبه مش سامعه اي حاجه حوليها
فيروز اخت حسام في الوقت ده كانت جريت بسرعه ع مكتب ابوها وعرفت حسام اللي كان پيتخانق هو وابوه في الوقت ده ان هلال سمعتهم وسابت البيت ومشيت
حسام اول ما سمع الكلام ده بص لابوه ليه كده