رواية زين كاملة بقلم شيما رجب

زين يعني اي
الاب يعني اللي قولته لازم يتنفذ
زين وانا مش موافق!
الاب مش بمزاجكك اصلا انا قولت كلام وهيتنفذ خلصت!
زين انا مش بنت اتجبر على جوازه ولا عشان بنت عمي اقبل اتجوزها!
الاب ليه مالها بنت عمك
زين مش بحبها!
الاب حب!!! قولتلي حب بقا لا ده كلام فارغ اللي عندي قولته
سابني ومشي وانا مدايق من القرار المفاجئ ده انا انا اتجوز دي انا زين عز الدين اتجوز دي طب ازاي بس انا بحب مرام انا مش هقبل اتجوز دي ابدا
مرام يعني اي هتتجوز يا زين خلاص طب وانا!
زين اتجوز مين مرام انتي عارفه اني بحبكك انتي مش ممكن اقبل اتجوز حد غيرك
مرام طب وباباك وقراره
زين هسيب البيت مش عايز حاجه منه انا عايزك انتي
مرام لا يا حبيبي ماينفعش كده بيت ايه اللي تسيبه ده احنا لازم نلاقي حل كويس
زين ازاي انتي ماشوفتيش هو مصمم ازاي على الجوازه دي
مرام نطفشها عادي!
زين ودي ازاي يعني
مرام بلاش تيجي منك نخليها هي اللي ترفضك وبكده ماتزعلش باباك!
زين ازاااي
مرام اقولك ..
الاب خلاص كده
زين اللي تشوفه يا بابا!
الاب اي اللي حصل مش بتجادل يعني
زين خلاص حضرتك قررت وانا مش هعارض!
الاب جدع وانا مش ضدك ولا ضد فرحتك انا اكتر حد عايز مصلحتك
زين عارف يا بابا عارف!
خرجنا وصلنا البيت الكبير بين جدي الحاج حسام الدمنهوري راجل.... ولا بلاش عشان بابا بيزعل انا مش بحب اختلط بالعيله اوي انا بقالي اكتر من 6 سنين ماجتش البيت ده وماكنتش هاجي بس للولا بقا ال.... يلا كده كده هتطفش
الجد حمدالله ع السلامه عاش من شافك يا زين!
زين ازي حضرتك يا جدي
الجد انت لسه فاكر أن ليك جد
الاب مش وقت الكلام ده يا بابا احنا جايين نفرح
العم انا بقول كده برضو
الجد يعني انا ضد فرحتكوا بس انا بتكلم في الاصول فين صله الرحم اللي ابنك قطعها من 6 سنين يا عز ها
زين حقك عليا يا جدي بس حضرتك عارف اني مشغول وعندي شغل لولا كده مفيش حاجه تشغلني عنك
الاب بالظبط يابابا كده هو مشغول بس
الجد هتفضل كده طول عمرك قوم يا محمد شوف بنتك جهزت ولا لا!
محمد حاضر يا بابا حاضر
هما ليه متلبشين كده هما خايفين منه اوي ليه كده لا دول مرعوبين نظراتهم وكلامهم وطريقتهم برضو ليه كل ده يعني
محمد ها جهزتي
هنا ليه هو في حاجه
محمد يابنتي احنا قولنا اي بلاش الكلام ده دلوقتي قومي البسي وانزلي عشان خاطري
هنا انا قولت ل حضرتك رأيي في الموضوع ده وخلاص
محمد يابنتيي بلاش تكسفينا يلا ربنا يهديكي يلا عشان جدك
هنا حاضر يا بابا حاضر
خرج وانا ابتديت البس انا مااتجوزش جوازه زي دي لا لا مش انا اللي يتعمل فيا كده ليه ماليش أهل يعني ولا اي ده انا اهلي ي....ي اي بس دول هما اللي جابريني بس لا مش انا برضو انا مش هتنازل عن احلامي لا ولا هتنازل عن اي حاجه عشان حد ...خلصانه يعني ...لبست ونزلت اخدت القهوه ودخلت جدي كان قاعد وبابا وعمي وال... ايوه هو زين زين عز الدين الكائن المستفز
هنا السلام عليكم
الجد تعالي يا قمري!
هنا قلبها يا جدع
الجد بت اهدي بقا عشان الواد مايخدش عنك فكره وحشه!
هنا ولا ياخودها احنا بنخاف من حد ولا اي
الجد بضحك لا يا قلب جدك مابنخفش من حد!
عز طب نضحك معاكوا طيب بتقولي اي ل جدك يا هنا
هنا بهدوء ولا حاجه يا عمو انا بسأله على صحته بس وحضرتك عامل اي يا عمو وطنط أخبارها اي
عز الحمدلله يا بنتي بخير
هنا هي ليه ماجتش معاكوا
عز المره الجايه بقا عشان هي بتتعب م الطريق بس
هنا لا سلامتها .......
الجد مش تسلم ع بنت عمك يا زين
زين ازيك
هنا كويسه
عز طب نسيبهم احنا شويه بقا يتكلموا
الكل قام وسابني معاه ..طب ده اقوله اي يعني وانا مش طيقاه كده فضلت قاعده شويه مش بتكلم لحد مازهقت منه ومن برود أعصابه ده
هنا ساكت ليه
زين وأتكلم ليه
هنا اومال انت جاي ليه
زين هو انا مش جاي عشان اقعد اتكلم مع حضرتك انا جاي عشان بابا!
هنا يعني
زين يعني انا هنا مش عشانك انا هنا عشان بابا!
هنا خلصانه يا شبح ارفضني!
زين اي
هنا ارفض يا كابتن قولهم مش عايز اتجوز!
زين ماعرفتش وادبست
هنا نعمممم اتدبست في مين يا كتكوت!
زين كتكوت ...انا كتكوت!
هنا اه كتكوت لما تكون مش عارف تتكلم عدل يبقا كتكوت وانا هعلمك تتكلم ازاي
زين بت انتي لمي لسانك انا بتكلم باحترام معاكي عشان انتي بنت
هنا احترام اي يا ابو احترام انت تقولي ادبست وكده محترم تتدبس في مين هو انت تطول اصلا
زين اطول واطول اطول من كده كمان انتي فاكره نفسك اي
هنا خساره اضيع وقتي معاك بجد
زين فعلا وانا وقتي غالي ارفضيني بقا وكل واحد يروح ل حاله!
هنا وانت ماترفضش ليه بقا
زين مش عايز اخسر بابا عشان حوار مالوش لازمه زي ده
هنا وانا اخسر بابا عادي انت عبيط انت تقولهم انا مش هتجوز ونخلص
دخل الجد والابناء في الوقت ده
الجد اي يا حبيبه جدك
هنا تعالي يا جدي
محمد ها اي الاخبار
زين الحمدلله يا عمي كله تمام
هنا نعم
زين انا مش معترض يا عمي موافق على كل حاجه اي رايك يا هنا!
الجد اي يا قلب جدك رأيك اي
هنا بتصنع الكسوف اللي تشوفه يا جدي!
زين في صډمه عمره من اللي حصل هي وافقت لا لا اكيد في حاجه غلط اكيد انا....لا اي ده هو وافقت بحد انا لبست فعلا ... يالله
عز مبارك يا اولاد ربنا يسعدكوا
محمد رينا يسعدكوا يارب
الجد زين !!
زين بانتباه نعم
الجد زين انا مش بقول كلام هنا دي حته من قلبي يوم ماتيجي عليها أو تنزل دمعه من عيونها محدش هيقفلك غيري لا ابوك ولا عمك هيقدر على اللي هعمله وقتها
زين بارتباك من غير ماتقول يا جدي
هنا طب عن اذنكوا انا
قومت مشيت تحت نظرات الصدمه والغيظ من زين هو انا ماقولتلكوش اصل انا محدش يعاند فيا ولا حد يقولي اعملي اي وماتعمليش اي ولا حد يتحداني كمان وانت جيت في طريقي يبقا اتحمل يا زين
الام مبارك يا حبيبتي مبارك
هنا على اي يا ماما مانتي عارفه اللي فيها!
الام يا حبيبتي افرحي ده كل بنت بتتمني الفرحه دي!
هنا اه بس مش انا
دخلت اوضتي وقفلت الباب غيرت هدومي ودخلت البلاكونه وقعدت سرحت في اللي بيحصلي ..طب اشمعنا انا ليه انا يعني اللي يتقلي كده كان في غيري ممكن يطلب منه الطلب ده بس انا مالاقوش غيري انا ..ربنا يستر عشان ما اقتلوش!
محمد اي يا جميله سرحانه ايه
هنا ولا حاجه يا جميل مش سرحانه
محمد على بابا هنا انا عارفه اننا ضغطنا عليكي بس ده لمصلحتك ومصلحه