اسكريبت ابن عمتي الغريب كامل بقلم إسراء ابراهيم

اسكربت
ابن عمتي الغريب
كفاية كده يا عشق روحي غيري هدومك بقى انتي تعبتي ووضبتي كل حاجة زمان فارس على وصول
عشق ووشها منور بالفرحة
حاضر يا عمتو انا الحمد لله خلصت كل حاجة حتى الحلو دخلتو التلاجة خلاص
زهرة وقفت تبصلها وهي مبتسمة بحنية
انتي فرحانة إنه راجع بعد سبع سنين غربة مش كده
عشق ووشها اتحول لهدوء دافي وفيه حنين
أوي يا عمتو بس والله انا عمري ما هفرض نفسي عليه كفاية إنه وافق يكتب عليا وأنا عندي ١٦ سنة بس علشان أعيش هنا بعد ما بابا وماما ماتوا ويكون ليا صفة في البيت
زهرة قربت منها ولمست إيدها بحنان
كنتي صغيرة وقتها يا عشق بس دلوقتي لما يشوفك بعد ما كبرتي وبقيتي قمر أكيد رأيه هيكون غير
عشق بابتسامة باهتة
أنا مبسوطة إني في وسطكوا ومش طالبة أكتر من كده
زهرة بتضحك وهي تبصلها
بس أنا طالبة أشوفك عروسة في بيتك هنا مع فارس
قبل ما عشق ترد صوت عربيته قطع الكلام فجريوا سوا ناحية البلكونة وعشق وقفت وقلبها بيدق وعينيها اتعلقت على فارس وهو نازل من العربية لسة زي ما هو بوسامته واناقته وضحكته باينة وهو بيتكلم في الموبايل بس الفرحة ماكملتش لما عشق فجأة شافت بنت جميلة اوي نازلة معاه و شعرها نازل حرير على ضهرها ولبسها شيك وماسكه إيد فارس كأنها بتعلن ملكيتها ليه قدام الدنيا
عشق بصت لعمتها وقلبها اتقبض وكأن كل الهواء خرج من صدرها فجأة
زهرة بتكشيرة
ودي مين دي اللي جاية مع فارس
عشق وهي بتحاول تبتسم رغم الڼار اللي في قلبها
مش عارفة اكيد ضيفته وجاية معاه من بلاد برة
زهرة ما قالتش حاجة بس عنيها بتلمع بشك وفضلوا واقفين ساكتين لحد ما الباب خبط
وفارس دخل كبير لأمه وهو بيضحك
وحشتيني يا أمي ازيك
زهرة بدموع فرحة
منور يا ضنايا البيت كان ناقصك يا حبيبي حمدالله علي سلامتك
فارس وهو لسه ماخدش باله من عشق
وحشتيني أوي يا ست الكل
قال فارس كلامه وبص لعشق كأنه لسه واخد باله إنها واقفة هناك واتفاجئ بملامحها اللي كبرت واتغيرت
فارس بتوتر
عشق ازيك
عشق بابتسامة خجل
الحمد لله يا فارس حمدالله علي سلامتك الدنيا كلها نورت
فارس بتوتر
الله يسلمك متشكر اوي
زهرة بضيق وفضول
مش هتعرفنا علي البنت اللي جايبها معاك يا فارس مين دي
فارس بتوتر وهو بيبص لعشق
دي يارا تبقي صديقتي و هنتخطب قريب
عشق كانت واقفة في الركن شبه مش قادرة تتنفس وعنيها على إيديهم اللي ماسكين بعض وبتكتم الدمعة اللي قربت تنزل
يارا بابتسامة واسعة
أهلا بيكوا سمعت عنكوا كتير
فارس بتوتر اكبر
يارا اقدملك امي ودي عشق بنت خالي
عشق كانت باصة لفارس پصدمة وخيبة امل وكأنه كسر قلبها مرة كمان لما مقالش انها مراته واكتفي يقول انها بنت خاله وبس وزهرة كمان اتعصبت وكانت علي اخرها
زهرة وهي بتضيق عينيها قالتله بصوت متعمد
طب مش هتقولها عشق بنت خالك وايه كمان ولا نسيت
فارس بص لامه بتوتر ومكانش عارف يقول ايه بس وقتها انقذه صوت عشق اللي ردت هي بصوت حاول تخرجه طبيعي
عشق بسرعة وقبل ما حد يرد وكاتمة ۏجعها
بنت خاله وأخته طبعا يا عمتو أصل أنا وهو قريبين زي الإخوات بالظبط مبروك عن إذنكم هجهز السفرة
قالت كلامها ومشيت قبل ما دموعها تفضحها
اما فارس فكان واقف ساكت وعنيه متابعاها بحيرة
زهرة بصوت عالي شوية
فارس ورايا علي اوضتي وانتي يا عشق اعمليلنا شاي يا حبيبتي
كان واقف فارس قدام امه بعد ما