طلاق بلا مبرر بقلم زهرة الربيع

طليقتي ملقيتش غير طليقتي في الدنيا كلها اللي تتجوزها يعني متخيل انك تتجوزها وتيجيبها تعيش معايا هنا في نفس البيت يا بجاحتك يا اخي
قال بضيق ...اسمع يا حازم اللي انت بتعمله ده مش هيقدم ولا ياخر.. انت طلقت فيروز وانا خطبتها وهتجوزها بلاش بقى كل شويه تقول لي طليقتي طليقتي بطل تننسب كل حاجه لنفسك لان لا ولا فيروز صغيرين وعارفين مصلحتنا كويس وعارفين اللي ينفع من اللي ما ينفعش يعني ما تتدخلش احسن لك
حازم مسكو من هدومه پغضب شديد وقال...ما تدخلش ازاي انت ناسي اننا اولاد عم وساكنين في بيت واحد يعني ايه تتجوز طلقتي وتجيبها لي ها النسوان خلصت من الدنيا
دفع ايده پغضب وقال.... اللهم طولك يا روح يكون في علمك انا ساكتلك علشان عمي بس... لكن مش هطول بالي عليك اكتر من كده وانسى موضوعها بقى انا وفيروز هنتجوز شئت ام ابيت..وبعدبن متكبرش الموضوع مهي في يوم كانت خطيبتي وانت لهفتها وجبتهالي قدامي هنا برضو وانا متكلمتش
حازم بصلو پحده وفاجأو لما ضړبو بوكس قوي ووقعه على الارض وبقى يضرب فيه بقوه
كان بيحاول يبعد من بين ايديه ومش قادر عليه لان حازم مكانش شايف قدامو
في الوقت ده دخل راجل في ال 50 وقال پغضب شديد ....حازم ابعد عن ابن عمك سيبه
حازم غمض عينيه پغضب شديد وواقف بالعافيه وبص له وقال..... انت عرفت الباشا عايز يعمل ايه يا بابا
ابوه قال پغضب ...ايوه عرفت وانا اول واحد هشجعه على الموضوع.... فيروز بنت عمتك وبنت مفيش منها ومن الاساس ما كانش لازم تطلع من البيت ده واذا انت ما بقتش عايزها في غيرك عايز و مبقالوش لزوم اللي بتعمله ده
حازم بصله بزهول وقال... معقوله يا بابا انا اهون عليك تعمل فيها كده يعني عايزه يتجوزها ويجيبها هنا تعيش معانا في البيت قدامي
ابوه اتنهد بضيق وقال ...كل شيء قسمه ونصيب يا حازم وعزت مغلطش هو وفيروز هيتجوزوا على سنه الله ورسوله وهي خلصت عدتها يعني ما حدش بياذيك في حاجه
حازم بصله پصدمه واتنهد بۏجع وقال.....هه ما حدش بياذيني تمام.... والله مدام انتم شايفين انكم كده ما بتاذونيش تمام الف مبروك يا ابن عمي مبروك واكيد لو احتاجت اي مساعده انا موجود في النهايه احنا اخوات واكيد هزفك بنفسي
قال كده وخرج پغضب شديد و ابوه اتنهد بحزن شديد وقال ...لا حول ولا قوه الا بالله
حازم نزل پغضب شديد وهو مش شايف قدامه ولسه هيطلع من البيت اټصدم ببنت في العشرين بملامح جميله ماسكه شنطه هدومها
فضل متجمد مكانه وبيبص لها وقت طويل لحدما بعدت عيونها عنه بضيق شديد
حازم اتنهد وقال پغضب.....اهلا يامدام فيروز ولا تحبي اقول لك يا عروسه
فيروز ابتسمت وقالت بسخريه....لا قولي يا عروسه احسن
ولسه هتدخل مسكها من ايدها پغضب شديد وقال ..خير جايه تقابلي عريسك ولا جايه تاخديه وتخرجوا ..قولي ما تتكسفيش مني انا هساعدك كتير في الجوازه دي
فيروز جذبت ذراعها پغضب منه وقالت.... انا مش محتاجه مساعدتك انا بعرف اساعد نفسي كويس قوي يا استاذ حازم حاول تساعد نفسك لانك محتاج للمساعده اكتر من اي حد ....وانا مش جايه عشان نطلع مشوار ولا علشان اتكلم مع عزت... انا جايه اقعد هنا... اصلي طلبت من خالي افضل هنا الكام يوم اللي فاضلين على الفرح علشان اجهز الترتيبات بنفسي وعلى زوقي ... اصلي ناويه اعمل فرح كبير قوي زي الاولاني واحسن
حازم ا تسعت عنيه بدهشه
وضحك بزهول وقال... بابا قال لك كده هو اللي هيعمل لك فرحك وهيقعدك هنا من دلوقتي
فيروز هزت راسها بالموافقه وقالت....امم.. غريبه دي ولا ايه... على العموم شكلك كنت مستعجل يلا ما اعطلكش وسحبت الشنطه بتاعتها ودخلت جوه
وسابتو واقف بزهول شديده مش مصدق ان ابوها يعمل كده معاه
في الوقت ده خرج عزت وقال بسعاده ...فيروز انت وصلتي
لسه هترد حازم قال بغيظ شديد وسخريه ....لا لسه على الطريق بس قربت توصل
عزت بص له پخنقه وقال... سيبك منه تعالي هوريكي الحاجات اللي انا اخترتها ومسك ايدها و ومشيوا سوا
حازم كانت عينه على ايده اللي ماسكه ايدها وحاسس بڼار في قلبه ومرضيش يمشي وراح وراهم
عزت وفيروز قعدو في الصالون وبقى يوريها قايمه فيها صور ديكورات مختلفه وقال بابتسامه..... ايه رايك في ده اول واحد عجبني اللون الازرق مع الابيض تحفه
فيروز لسه هتتكلم حازم قال بسخريه..... بس هي مش بتحب الازرق ...طبعا ما عندكش علم بس مش بتطيقه
عزت قال بحرج.... ايه ده بجد طيب بلاش منه
بس فيروز قالت بسرعه وهي بتبص لحازم پخنقه.... ومين قال لك يا عزت اني لسه قاعده بحب نفس الحاجات اللي كنت احبها زمان ..انا دلوقتي هبدا حياه جديده وناويه اغير كل حاجه فيها والديزاين ده عجبني لان اللي كان يعجبني زمان ما بقاش يعجبني دلوقتي
قالت كده وهي بتبص لحازم وقصداه هو بالكلام
بس حازم ابتسم بسخريه وقال ...مش بالكلام يا عروسه بالفعل المهم انك لما تشوفي اللون ويبقى قدامك ويبقى خلاص امر واقع تبقي مرتاحه ده المهم لانك وقتها مهتعرفيش تغيري حاجه حتى لو ندمتي انك اخترتيه
عزت غمض عينيه بضيق شديد من حركاته لانه فاهم انه بقصده وقبل ما يتكلم فيروز قالت ....ادينا بنتعلم يا حازم هي دي اول مره اندم فيها.. عادي طول عمري اختياراتي مقرفه وبتندمني في الاخر عشان كده المره دي هختار على ذوق عزت اكيد ذوقه احسن بكتير
حازم اتنهد بغيظ شديد
وهي وقفت وقالت بخبث ...انا هطلع اريح يا عزت لاني لما فضلت اتكلم معاك امبارح بالليل سهرت وما عرفتش انام
عزت ابتسم وقال.... طيب يا حبيبتي انا خارج دلوقتي عمي عايزني في شغل وهرجع نتغدى سوا
فيروز ابتسمت وقالت... تمام
وطلعت على الاوضه اللي هتقعد فيها
عزت بص لحاتم وقال.. طبعا ما فيش داعي اقول لك ما لكش دعوه بيها
حازم وقف وبص له پغضب وقال ...انا اللي مش محتاج اقول لك ان لا انت ولا هي تهموني واللي انت بتعمله ده اصلا ولا يفرقلي بكره تعرف انك بټأذي نفسك على الفاضي
عزت ابتسم بسخريه وقال.... مش مهم الحياه تجارب يا حازم بيه
قال كده ومشي هو طلع فوق پغضب شديد وراح لفيروز وفتح الباب ودخل عندها من غير ما يخبط
فيروز شهقت بزهول وخضه وقالت پغضب شديد ....انت ازاي تدخل كده انت اټجننت
حازم اتجمد مكانه من منظرها كانت لابسه لبس نوم خفيف قرب منها قوي وقال بارتباك...اا..انا جاي علشان ...عشان اقول لك يعني ان انا
فيروز بصت له بغيظ وشدت الروب ولبسته بسرعه وقالت ...ان ما اتربتش ازاي تدخل عليا كده
حازم قرب منها قوي وقال....و فيها ايه هو انا هاشوف ايه جديد يعني ولا نسيتي اللي كان بينا
فيروز قالت بضيق شديد.... اديك قولت بنفسك كان... ده لما كنا متجوزين دلوقتي انا وانت ما فيش