دممية سلبت قلبي لسولييه نصار

_ متقدملك عريس يا ورد .
سيبت فرشة الرسم وانا ببص لماما بحزن وقلت _ ويا تري العريسيعرفني او شافني .عارف ظروفي ايه ولا جاي كده وخلاص عشان ېتصدم هنا زي اللي فات
بصيتلي ماما وقالت بتوتر _ العريس من طرف عمتك نجلاء
_ اه عمتي قولتيلي يبقي اكيد ميعرفش ظروفي .
_ يا بنتي مش يمكن تعجبيه!
_ ياااه يمكن للدرجة دي انا رخيصة عندك يا ماما بتعرضيني كأني بضاعة بايظة يمكن الزبون يكون اهبل  وياخدها

_ يا بنتي مش قصدي !
_ اومال قصدك ايه يا ماما قصدك ايه بس لحد امتي لحد امتي هتعرضوني علي العرسان كأني بضاعة بايظة عايزين تخلصوا منها .لحد امتي هتحمل الاھانة
بكت ماما وقالت _ يا بنتي انا ام ام نفسي اشوف بنتي متجوزة ومستورة في بيتها نفسي اطمن عليكي قبل ما اموت
ورد_ بعد الشړ عليكي يا ماما متقوليش كده واللي عايزاه هيحصل العريس هيجي امتي
ماما بتوتر _ هيجي النهاردة الساعة تمانية
ورد بهدوء _ يعني قدامي تلات ساعات يادوب اجهز نفسي
مسكت ماما ايدي وقالت _ البسي الفستان الاحمر وحطي ميكب رقيق كده يظهرك.
ابتسمت بسخرية_ صدقيني مش هتفرق .
قمت ورحت اوضتي واول ما دخلت لف ماكس حوالين رجلي ضحكت وقلت _ وانت كمان وحشتني يا ماكس معلش مش بخرجك انت عارف ماما .
ماكس يبقي الكلب بتاعي ماما مبتحبهوش بسبب اللي حصلي بسببه كانت عايزة تطرده وانا رفضت واتمسكت بيه عشان كده شرطت ان ماكس يفضل محپوس في اوضتي وأنها متشوفهوش .
قعدت جمب ماكس وانا بقوله _ النهادرة في عريس تاني يا ماكس ..ماما مصرة اني اقابله تفتكر هيرفضني من غير إهانة ولا هيهيني زي العريس اللي قبله .ولا ممكن يوافق يتجوزني لا اكيد مش هيتجوزني ايه الخيال ده .محدش هيتجوز واحدة زيي  يالا مش مشكلة يعني هو اللي اتجوزوا اخدوا ايه 
ضحكت وانا بطبطب على ماكس وبقوله _ ايه رايك اطنش كلام ماما والبس الفستان الاسود .ولا اقولك بلاش لاحسن تعلقني وانا مش ناقصة .
دخلت أجهز ولبست الفستان الاحمر ظبطت نفسي وبصيت لنفسي في المراية بحزن ومن غير ما احس قعدت ابكي ماما خبطت عليا وقالتلي الناس جات
رديت بصوت حاولت اخليه طبيعي _ حاضر جايه يا ماما  .
مسحت وشي وضبطت نفسي وخرجت .
طلعت وانا ماسكة صينية القهوة وحاطه وشي في الارض رفعت وشي لقيت فجأة حد شهق وفجأة واحد قام وقعد ېصرخ _ انتي جايبالي واحدة وشها بالشكل دا عشان اتجوزها يا استاذة نجلاء .دي مش البنت اللي اديتيني صورتها.
بصيت للإرض بإنكسار والعريس لسه بيزعق ويقول _ انطقي يا استاذة نجلاء مين دي وفين البنت اللي ورتيني صورتها فين انتوا جايين تهزروا اللي في الصورة مكانتش م حر و ق ة بالشكل ده
مسحت دموعي ورفعت راسي وانا بقول _ البنت دي انا بس قبل ما تحصلي حاډثة ويحصل اللي أنت شايفه دا فوشي وياريت متقلقش يا استاذ محدش هيجبرك علي حاجة أنت جيت وشوفتني وانا معجبتكش يبقي خلاص تقدر تشرب قهوتك وتمشي وبتمنالك السعادة .
حسيته بهت وارتبك بعد ما كان بيزعق .سندت صينية القهوة ودخلت اوضتي وقفلتها كويس وبعدين قعدت علي السرير حاولت اكتم دموعي قررت اني مش هبكي انا راضية بقضاء ربنا وقدره من اول الحاډثة وانا راضية وبقول الحمدلله بس للحظات ضعفت ..ضعفت وانا ببكي وبطلب من ربنا انه يرحمني بطلب منه أن لو المۏت هيكون في راحة ليا يبقي اموت احسن  بدل ما انا حاسه نفسي عبئ  علي ماما 
ماكس قرب مني وكأنوا حس بيا طبطبت عليه وانا ببكي وفضلت ابكي لوقت طويل لحد ما حسيت عيني دبلت استغفرت ربنا وغسلت وشي وطلعت كان العريس مشي وعمتي قاعدة جنب ماما وهما الاتنين بيعيطوا .
_بتعيطوا ليه دلوقتي 
قلتها برخامة عشان يضحكوا
ماما قربت مني وهي پتبكي وقالت _ انا اسفة يا ورد اسفة يا بنتي طظ في الجواز وطظ في الناس كلها محدش فيهم يستاهل اني اشوف بنتي بتتهان واسكت عشان تتجوز مش هضغط عليكي ابدا في الموضوع ده وعد
ضحكت وانا برد _ رغم انك وعدتيني الف مرة قبل كده بس هصدقك