لتكن ملكي
المحتويات
ابتسمت بفرحة وهي ماسكة الهدية ودخلت مكتبة .. علي بصلها بهدوء وقال _ فيروز ايه اللي جابك
فيروز حطت الصندوق علي المكتب قدامه وهو قال _ ايه ده
فيروز بابتسامة_ افتحه
علي فتحه ولقي جزمتين صغيرين بس واحدة روز والتانية لونها لبني فبص لها وابتسم للحظه وقال _ حامل
فيروز هزت رأسها اما هو وهي ضحكت بفرحه
فيروز اخدت نفس وهي بتحمد ربنا لانها بقالها فترة كبيرة بتاخد علاج عشان كان عندها مشاكل في موضوع الحمل .. فيروز بعدت عنه وقالت انا قوي يا علي بس تعرف انا كنت خاېفة
علي _ من ايه
فيروز سكتت اما هو فقال _ متقوليش انك خاېفة مني
فيروز _ خاېفة تتغير الطبيعي انك تزهق من المحاولات وتياس وتقول ان من حقك يكون عندك ولاد
فيروز هزت رأسها اما هو فقال وهو بيشدها لحضنه_ صدقيني انتي مش عارفه بحبك قد ايه
علي همس في سره _ لازم تسامحيني
في شقة هادية نسرين بضيق _ وانا هفضل مستحمله لحد امتي يا خالتي الوضع ده علي لازم يقول للكل اني مراته وأولهم اللي اسمها فيروز ديه وبعدين هو مخليها لحد دلوقتي علي زمته ليه بقاله اربع سنين معاها ومخلفتلوش عيل اما انا يا خالتي فقربت اولد ومش بيفكر فيا يا خالتي ده كل ما بيجي هنا بيحسسني انه بيتكرم عليا انا مراته يا خالتي مراته وأم ابنه
نسرين _ وانا مبقتش قادرة استحمل يا خالتي خلاص
عند علي وفيروز كانوا في بيتهم..فيروز ضحكت لما دخلت المطبخ وقالت _ بتعمل ايه كل ده
علي لف وقال _ بحاول يا فيروز متنسيش انك طباخه في الاساس وشاطره انا كنت بحاول
فيروز قربت وبصت علي الاكل اما هو فحضنها وحط رأسه علي كتفها وغمض عينه وقال _ فيروز هو انا لو غلطت في يوم هتسامحيني
فيروز ابتسمت وقالت _ بس انت مبتغلطش او بالاصح مبتعملش حاجة تخليني ازعل منك وحتي لو حصل مبتسبنيش الا لما بترضيني
علي حس من جواه بزعل وقال _ تعالي عشان ناكل
الساعة ١ بالليل تليفون علي مكنش مبطل رن فيروز قامت ومسكت تليفونه وقربت منه وقالت _ مامتك بتتصل يا علي
زينب بزعيق _ مبتردش ليه يا علي تعالي بسرعه علي المستشفي مراتك بتولد
فيروز حست ببرودة في جسمها وبصت لعلي وزينب قالت _ انا مش هفضل ساكتة لك علي اللي بتعمله في البت لمجرد انك خاېف علي السنيورة اللي عندك نسرين مراتك واهي ام ابنك تيجي حالا يا علي علي مستشفى......
فيروز دموعها نزلت وهي بتبصله وتفتكر
فلاش باك من أربع سنين
فيروز بزعيق
متابعة القراءة
