ولكني لم اخطأ بقلم حور حمدان
المحتويات
ولكني لم اخطأ بقلم حور حمدان
..انتي بتقولي ايه يا ماما انت بتطرديني يوم صباحيتي عشان بقولك انه مينفعش يدخل عندى طول ما جوزى مش موجود
..اه يا اختي انتي بتطردي اصحاب البيت يا اختي لا دا انتي اللي يبقا بسلامه مش عوزينك تاني وبنسبه لبني فهوا هيطلقك
بصتلهم پصدمه وراحت نحيت حماتها وقالتلها.. يا ماما افهمي دا وهيا بتشاور على اللي واقف دا من سني او اكبر مني يا ماما ازاي ادخله وانتي مش موجوده وكمان ابنك مش موجود يعني بدل ما تقفي معايا عشان بحافظ على ابنك تقفي معاه
وكملت بعصبيه ..روحي بقا عند بيت ابوكي
بدموع وقهره.. طب سبيني البس بس يا ماما حتي مش هتمشيني كدا اكيد
بصتلها بضحك وقالت.. لا هتمشي كدا بمنظرك دا وقفلت الباب ف وشها
نزلت الشارع وكانت مكسوفه تمشي كدا هيا في الاصل مختمره ازاى نزلت كدا جارتها شافتها وشهقت من منظرها شدتها عندها وقالت ..ايه يا عروسه اللي منزلك ف ساعه زى دى وبلبس دا يا بنتي
عيطت وتين وحكتلها كل اللي حصل
فتح الاب واڼصدم لما شاف بنته وقال پصدمه..ايه دا ف ايه مالك وايه اللي رجعك تاني فرحك دا انهارده صباحيتك واحنا لسه ماشين من عندك وكنتي كويسه ايه حصل وايه الهدوم دى
الام من جوا قالت.. هيا مين اللي على الباب
ضړبت نجات ع قلبها پصدمه وجريت تشوف في ايه
كل دا وكانت وتين واقفه مبتنطقش كانت بټعيط في صمت بس اتكلمت سماح وحكتلهم كل اللي حصل
محمد بذهول.. بقا حماتها عوزاها تدخل الواد اللي قدها شقتها وجوزها مش موجود غير كدا هوا فين جوزك يا وتين اصلا
وتين بدموع.. مش عارفه والله يا بابا هوا نزل بعد ما انتم مشيتم قالي هاجي بسرعه بس هوا اتاخر ولقيت تامر جوز ماما طالعلي وانا مش برتاحلو اصلا غير ان دا الصح مينفعش نقعد فمكان لوحدنا انا وهوا
كانت وتين لسه هتدخل الشقه بس سمعت مرات عمها من فوق بتقول شوفو البت راجعه بيت ابوها تاني يوم جوازها ويا ترى ايه السبب بقاا
عيطت وتين اكتر ودخلت
نجات من برا اتلمي يا وليه انتي بدل وربنا مطلع اجيبك من شعرك
محمد بصوت هادى وهوا حاضن وتين.. بصي يا بنتي لو جوزك مجبلكيش حقك اعملي حسابك هتطلقي منه اصل الوقتي حماتك طردتك بهدوم البيت يعالم بكرا تعمل فيكي ايه
اما في شقة سيف جوز وتين رجع وكان مضايق فتح باب الشقه ولقي تامر ورانيا قاعدين وحاطين رجل على رجل راح قعد جمبهم وفضلو يتكلمو شويه لحد ما لاحظ غياب وتين قال..امال فين وتين ياماما
سعاد.. روحت عند اهلها فداهيه
سيف پصدمه... نعم دا ليه
حكتله سعاد كل حاجه وزودت بقا ان وتين شتمتهم
سيف بعصبيه بنت ال..
وكمل كلامه وقال الصدمه.. يبقا تخليها عند اهلها بقا
سعاد بفرحه.. طب متطلقها وانا اجوزك ست ستها
سيف بعند.. لا هسيبها متعلقه كدا كفايا انها رجعت لاهلها تاني يوم فرحها
عند وتين في بيتهم كان محمد قاعد وحاطت ايدو ع دماغه وبيقول.. يارب خفف عن بنتي يارب متكسرش فرحتها
جت نجات من المطبخ... ان شاءلله خير يامحمد متقلقش سيف اكيد هيجبلها حقها انا متأكده وو قاطع كلامهم اتصال من سيف
رد محمد وفتح الاسبيكر وقال.. السلام عليكم ورحمة الله وبركاته
سيف بزعيق..من غير سلام يا عمي بنتك انت مربتهاش ومشفتش تربيه ولو مرجعتش واعتذرت لامي وباست على ايدها
متابعة القراءة
