أماني وعوضي.بقلم إيمان
المحتويات
أماني وعوضي بقلم إيمان
..رأفت ابن عمتك جاي من السفر هو ومراته وبنته بكره
الطبق وقع من ايدي اتكسر ميه حته علي الارض زي ما وقع قلبي تماما بين رجليا اول ما سمعت الخبر
..رأفت راجع
بصت ماما للطبق اللي وقع بلا مبالاه وردت بهدوء
..ايوه وعمتك عزمانا كلنا بمناسبه رجوعهم وانتي هتروحي معانا
..بس.
..مفيش بس انا بنتي مش ضعيفه ولا جبانه عشان تهرب من حاجه فات عليها تلت سنين
عيوني لمعت بالدموع ولفيت بظهري وانا بهز راسي بنفي
..مش هقدر ياماما مش هقدر صدقيني
لفت ووقفت قدامي وهي بتسألني بهدوء
..لسه بتحبيه يا اسماء
مسحت دموعي بسرعه ورديت بلهفه
..لا لا طبعا مش بحبه
..عشان العيله كلها عارفه أن احنا كنا هنتخطب وهو بكل بجاحه راح اتجوز واحده غيري انا بكره نظرات الشفقة ياماما! وعيله بابا كلها نظراتها هتبقي ما بين شماته وشفقه وانا مش هستحمل ده
حاوطت وشي وابتسمت بحنيه
..طول ما انا جنبك اوعي تحملي الهم هنروح سوا ولو حسيت بس مجرد احساس أن في حد بيبصلك بصه مش عجباكي ولا قال كلمه مش حلوه صدقيني هيبقي يومه اسود زي وشه!
ردت بابتسامه صفراء
..لا مانا كنت ناويه اهزقك
..لا خلاص وحياه امك انا هنضف الأرض وهجبلك بكره احلي منه
ابتسمت ابتسامه طيبه زي قلبها
..فداكي الف طبق ياحبيبتي
بوست ايديها بحب
..ربنا يخليكي ليا يارب
شويه ودخلت اوضتي وقفلت الباب واخدت نفس عميق وانا بسند ظهري عليه وببص قدامي فعلا النسيان ده طلع اصعب قرار الأنسان ممكن ياخده! عمره ما كان بالسهل أننا ننسي شخص عيشنا معاه تفاصيل وبنينا معاه ذكريات لسنين طويله عمره ما كان بالسهل علي قلوبنا أن كل التفاصيل وكل الذكريات وكل الايام اللي اتعاشت تتبخر في لمح البصر ميقدرش يتخطي كل ده غير شخص ميعرفش يعني ايه حب حقيقي شخص حبه مزيف كلامه مزيف مشاعره مزيفه حتي هو نفسه مزيف!
فلاش باك
..ا احم اسماء ا انا هسافر
سيبت العصير اللي كنت بشربه وحطيته علي التربيزه قدامي پصدمه
..اه امريكا هشتغل هناك
ضحكت بذهول
..انت بتتكلم بجد
هز رأسه بلا مبالاة
..ايوه يابنتي وهي الحاجات ديه فيها هزار
..ايوه بس بس انت كنت قولتلي انك هتأجل حوار السفر ده لحد ما نتجوز!
حك فروه راسه بتوتر وإحراج
..ا اسماء انا كنت عايز اقولك حاجه بس ارجوكي متزعليش
قلبي اتقبض وتلقائيا عيوني لمعت بالدموع
..قول
..ب بصي يا أسماء هو ه هو بصراحه يعني انا مشاعري من نحيتك دلوقتي مشاعر اخ لاخته أنا فعلا بحبك جدا ب بس ا أحم ب بس بصراحه زي اختي مش قادر اتخيل أن علاقتنا تاخد شكل غير الاخوه
تعرفوا لو كان الكلام بېموت كان زماني فعلا مېته من كلامه اللي اترمي في وشي بكل قسوه وكأن الرحمه اتنزعت من قلبه وقتها لما سمعت كلامه كنت عامله زي التايهه! سكتت تماما حتي كل الأصوات اللي حوليا كانت بالنسبالي مش موجوده مكنش سهل عليا اتقبل اللي اتقال مكنش سهل بعد ما عشمت نفسي وقلبي ورسمت طريقي وحياتي ومستقبلي معاه يجي هو ويهد سقف طموحي واحلامي في لمح البصر وبكل برود وقسوه اتنهدت تنهيده طويله ومسك ايدي وقالي بحزن
..اسماء انا.
اتنفضت من مكاني وسحبت ايدي وانا بهز راسي بذهول مش طبيعي
..ليه!
رد باستغراب
..هو ايه اللي ليه
بصيتله وانا بعيط
..ليه عشمتني لما انت مش بتحبني
..اسماء انا معشمتكيش
صړخت فيه پجنون لدرجه ان كل الكافيه سمع صوتي
..لا عشمتني انا مش هحبك من فراغ! من وقت ما كنا عيال وانت بتقولي انا بحبك
متابعة القراءة
